झापा, साउन १८ । म्याजिक रोकेर चालक सामान लिन तल झरेको अबस्थामा म्याजिक आफै गुडेर सडकबाट तल झरेर दुर्घटना हुँदा कमलमा ६ जना यात्रु घाइते भएका छन् ।
आज साँझ ६.२० बजे कमल गाउँपालिका ५ लवडाँडास्थित पूर्वपश्चिम लोकमार्गमा दमकबाट गौरादहतर्फ जाँदै गरेको मे.१ज ३०२४ नम्बरको म्याजिकका चालक गौरादह ५ बस्ने ४० वर्षीय हेमन्त खड्का म्याजिक रोकेर सामान लिन तल झरेको अबस्थामा उक्त म्याजिक आफै गुडेर सडकबाट तल झरेर दुर्घटना भएको हो ।
दुर्घटनामा घाइते हुनेहरुको नामावली यसप्रकार रहेको छ ।
१) सोहि म्याजिकमा सवार झापा गौरादह न.पा. ५ बस्ने बर्ष ८० की महेश्वरी बास्तोलाको टाउको,निधार,नाकमा चोट अबस्था बोल्न सक्ने मध्यमा निम्स अस्पताल दमकमा उपचार भइरहेको उपचारमा आफन्त संलग्न
२)झापा गौरादह ५ बस्ने ३६ की जुनिता चेम्जोङको निधार,दुबै हात खुट्टामा चोट अबस्था बोल्न सक्ने मध्यम रिसर्च सेन्टर अस्पताल दमकमा उपचार भइरहेको
३) कमल ७ बस्ने बर्ष २० की करुणा उराउको दुबै हात खुट्टामा चोट अबस्था मध्यम रिसर्च सेन्टर अस्पताल दमकमा उपचार भइरहेको
४) मोरङ उर्लाबारी १ बस्ने बर्ष ५३ की तारा निरौलाको निधार,दुबै हात खुट्टामा चोट अबस्था सामान्य रिसर्च सेन्टर अस्पताल दमकमा उपचार भइरहेको
५) गौरादह ५ बस्ने बर्ष ३३ की रन्जना चेम्जोङको दुबै हात खुट्टा, कम्मरमा चोट अबस्था बोल्न सक्ने मध्यम रिसर्च सेन्टर अस्पताल दमकमा उपचार भइरहेको
६) गौरादह ५ बस्ने बर्ष १६ की सन्याङ लिम्बूको दुबै हात खुट्टा, छातीमा चोट अबस्था बोल्न सक्ने मध्यम रिसर्च सेन्टर अस्पताल दमकमा उपचार भइरहेको।
घटनास्थलमा प्रहरी टोली खटिएर म्याजिक चालक र म्याजिकलाई नियन्त्रणमा लिई इलाका प्रहरी कार्यालय दमकमा ल्याई राखेको डीएसपी रामप्रसाद तिमल्सिनाले जानकारी दिएका छन् ।
