झापा, साउन १९ । जंगली हात्तीले झापाको दमकमा पाँचवटा घर भत्काएको छ ।
राति १० बजे दुईवटाको संख्यामा आएका हात्तीले दमक –२ बेलडाँगी वन कार्यालय छेउ बस्ने पाँच परिवारको घर भत्काएको हो ।
हात्तीले टंकबहादुर राईको टिनको छाना टाटीले बेरेको भुइँतले घरको टाँटी बेरा भत्काई भित्र राखेको १ बोरा चामल, १ ड्रम जाँड खाई अन्दाजी १० हजार बराबरको क्षति गरेको छ ।
त्यस्तै कुलबहादुर चौहानको टिनले बारेको मन्दिर कोठा भत्काई १५÷२० झुत्ता मकै खाई अन्दाजी ५ हजार बराबरको क्षति गरेको छ भने चन्द्रकला खड्काको टिनको छानो टाँटी बेरा भएको भान्सा घरको टाँटी बेरा भत्काई भित्र राखेको १ बोरा चामल, ५ केजी दाल खाई अन्दाजी ५ हजार बराबरको क्षति पुर्याएको छ ।
त्यस्तै राजु लिम्बू र पुष्प खतिवडाको भान्सा घरको टिन सामान्य भत्काएको जिल्ला प्रहरी कार्यालयले जनाएको छ ।
