झापा, साउन ३० । दिनहुँ सवारी दुर्घटना हुने क्रममा झापामा भएका दुर्घटनामा ८ जना घाइते भएका छन् । जिल्लाका विभिन्न ठाउँमा दुर्घटना भएको प्रहरीले जनाएको छ ।
१) गएराति १०ः१५ बजे शिवसताक्षी – ८ झिलझिले चौकस्थित पूर्व–पश्चिम राजमार्गमा बिर्तामोडबाट दमकतर्फ जाँदै गरेको प्र १–०१–०१८ प ४१३७ न.को स्कुटर आफै अनियन्त्रित भई दुर्घटना हुँदा स्कुटर चालक कमल – ६ बस्ने ३० वर्षीय मनु भन्ने मनोज लिम्बू र स्कुटरमा पछाडि सवार सोही ठाउँ बस्ने २७ वर्षीय बिकी लिम्बू घाइते भएका छन् । दुबै घाइतेलाई उपचारको लागि बिर्तासिटी अस्पताल बिर्तामोड पठाइएको छ।
२) गएराति ९ः२० बजे बुद्धशान्ति वडा न. ७ माथिल्लो सुनमाईस्थित मेची राजमार्गमा इलामबाट बुधबारेतर्फ आउँदै गरेको प्र.१–०१–०१८ प २०६७ नं. को स्कुटर आफै अनियन्त्रित भई दुर्घटना हुँदा स्कुटर चालक बुद्धशान्ति –४ बस्ने २१ वर्षीय अमृत सुनार र पछाडि सवार सोही ठाउँ बस्ने रबिन बिकका छोरा १५ वर्षीय कृस बिक घाइते भएका छन् । दुबै जना घाइतेलाई बीएण्डसी अस्पताल बिर्तामोड ल्याइएको छ ।
३) हिजो साँझ ५;३० बजे गौरादह ८ प्रगति टोलस्थित ग्वालडुब्बा– जुरोपानी भित्री सडकखण्डमा ग्वालडुब्बाबाट जुरोपानीतर्फ जाँदै गरेको द.न.पा.ई ७७८ नम्वरको सिटी सफारी ब्याक गर्ने क्रममा आफै अनियन्त्रित भई दुर्घटना हुँदा तीनजना विद्यार्थी घाइते भएका छन् ।
घाइते हुनेहरुमा गौरादह– ८ स्थित प्रगति मा.वि.मा कक्षा ९ मा अध्ययनरत गौरीगंज ३ वस्ने १३ वर्षीया सृष्टी दास , प्रगति मा.वि.कक्षा ६ मा अध्ययनरत गौरादह ८ मा रहेको प्रभुधाम सेवा सदन बालबालिका तथा सुरक्षित आवास गृहमा बस्ने १२ वर्षीया अनिषा भुजेल र सोही आवास गृहमा बस्ने कक्षा ४ मा अध्ययनरत ११ वर्षीया सृष्टी लिम्बू रहेका छन् । घाइतेहरुलाई उपचारको लागि मेडिम्याक्स अस्पताल गौरादह लगिएको र सिटी सफारी चालक गौरीगंज ३ बस्ने ४२ वर्षीय श्रवणकुमार महत्तो र सफारी अस्थायी प्रहरी चौकी जुरोपानीको नियन्त्रणमा रहेको छ ।
४) हिजो दिउँसो १;३० बजे दमक ५ पुरानो सब्जीलाइनस्थित भित्री सडकखण्डमा बिशाल बजारबाट फाल्गुनन्द चोकतर्फ जाँदै गरेको प्र.१–०१–००२ ह १५४५ न. को सिटीले बाटो क्रस गर्दै गरेका दमक १ बस्ने प्रदिप लिम्बूका छोरा ४ वर्षीय साईमन लिम्बूलाई ठक्कर दिएको छ । घाइते बालकको दमक अस्पताल एण्ड रिसर्च सेन्टर दमकमा उपचार भइरहेको छ भने सिटी र सिटी चालक झापा गौरीगंज ६ बस्ने ४६ वर्षीय अलराम राजवंशीलाई नियन्त्रणमा लिई इलाका प्रहरी कार्यालय दमकमा राखिएको छ ।
