झापा, साउन ३० । बराहक्षेत्र दर्शन गरेर मोटरसाइकलमा फर्कदै गरेका चालकको माथिबाट झरेको ढुङ्गा लागेर मृत्यु भएको छ ।

आज दिउँसो ४ः२५ बजे सुनसरीको बराहक्षेत्र नगरपालिका १ स्थित बराहक्षेत्र मन्दिर दर्शन गरी स.१० प ७९२१ नम्बरको मोटरसाइकलमा फर्कदै गर्दा सडक माथिबाट झरेको ढुङ्गाले टाउकोमा लागेर मोटरसाइकल चालक सप्तरी बोधेबर्साइन २ बस्ने २८ वर्षीय जीवन शाहको घटनास्थलमा नै मृत्यु भएको हो ।

मोटरसाइकलमा पछाडी सवार सप्तरी खडक नगरपालिका वडा नं. ११ बनौली बस्ने ३० वर्षीय अरबिन्दकुमार शाह सकुशल रहेका छन् । मृतकको शव हाल घटनास्थलमा नै रहेको र पोष्टमार्टमको लागि आबश्यक प्रक्रिया भइरहेको प्रहरीले जनाएको छ ।

प्रतिक्रिया

कृपया प्रतिक्रिया लेख्नुहोस्!
कृपया आफ्नो नाम लेख्नुहोस्