झापा,साउन ३१ । सहकारी ठगी प्रकरणमा रुपन्देही जिल्ला कारागारमा पूर्पक्षका लागि थुनामा रहेका राष्ट्रिय स्वतन्त्र पार्टीका सभापति रवि लामिछानेलाई शनिबार अपराह्न कारागार स्थानान्तरण गरिने भएको छ ।
उनलाई शनिबार अपराह्नसम्म ललितपुरस्थित नख्खु जेलमा पु¥याइने भएको हो ।
कारागार स्रोतका अनुसार शनिबार दिउँसो तीन बजेपछि बुद्ध एयरको जहाजबाट ललितपुरस्थित नख्खु कारागारमा लैजान लागिएको हो । कारागार स्थानान्तरण माग गर्दै लामिछानेले गत जेठमा निवदेन दिएका थिए । अदालतले पनि कारागार सरुवाका लागि अनुमति दिएको थियो । उनको माग बमोजिम कारागार स्थानान्तरण नगरेर भैरहवामै राखिएको थियो ।
राष्ट्रिय मानव अधिकार आयोगकी आयुक्त डा. लिली थापाले गत साता कारागार निरीक्षण गरेकी थिइन् । त्यसक्रममा भैरहवास्थित रुपन्देही जिल्ला कारागारको ब्लक नम्बर ४ मा रहेका रहेका लामिछाने अदालतले अनुमति प्रदान गरिसकेको अवस्थामा पनि आफूलाई कारागार सुरुवा नगरिएकोमा दुखेसो सुनाएका थिए ।
