झापा, भदौ ७ । झापाको कन्काईमा भएको मोटरसाइकल दुर्घटनामा परी एक प्रहरी घाइते भएका छन् ।
गएराति ११ बजे कनकाई –७ भृकुटी चोकस्थित पूर्वपश्चिम राजमार्गमा बिर्तामोडबाट सुरुङ्गातर्फ जाँदै गर्दा प्र.१–०१–०१७ प १५६८ नं को मोटरसाइकल आफै अनियन्त्रित भई दुर्घटना हुँदा त्यसका चालक प्रहरी सहायक हवल्दार ३५ वर्षीय भिम अधिकारी घाइते भएका हुन् । इलाम माईजोगमाई गाउँपालिका – ४ घर र हाल इलाका प्रहरी कार्यालय दमक दरबन्दी भई उनी इलाका प्रहरी कार्यालय बिर्तामोडमा कार्यरत छन् ।
उनको बायाँ कुम, दाहिने हातको पातो, अनुहार र दाहिने आँखामा चोट लागेको छ । घाइतेको बिर्तासिटी अस्पताल बिर्तामोडमा उपचार भइरहेको छ भने मोटरसाइकल नियन्त्रणमा लिई अस्थायी प्रहरी बिट दुर्गापुरमा राखिएको छ ।
