झापा, भदौ ९ । अखिल नेपाल महिला संघ (क्रान्तिकारी) शिवसताक्षीको नयाँ नगर कमिटी गठन भएको छ ।

अखिल नेपाल महिला संघ (क्रान्तिकारी) शिवसताक्षीको नगर भेला तथा हरितालिका तीज विशेष कार्यक्रमबाट रिता लामा थापाको संयोजकत्वमा २१ सदस्यीय नगर कमिटी गठन भएको हो । नेकपा माओवादी केन्द्र शिवसताक्षी नगर कमिटीका अध्यक्ष दुर्गा नेम्बाङको अध्यक्षता तथा पार्टीका केन्द्रीय सदस्य तथा पूर्व कृषिमन्त्री झलकसिंह दर्लामीको प्रमुख आतिथ्यमा भएको कार्यक्रममा विशिष्ट अतिथि १ नम्बर प्रदेश कमिटीका सचिवालय सदस्य कल्पना कार्की, प्रदेश कमिटी सदस्य तथा अनेम संघ क्रान्तिकारीका प्रदेश कमिटी सचिव भूमिका कोईराला, अतिथिहरुमा जिल्ला कमिटी सदस्य तथा नगर इन्चार्ज एनपी लामिछाने, जिल्ला कमिटी सदस्य रामजी कार्की, पूर्व नगर उपाध्यक्ष गणेश बजगाई,अनेम संघ क्रान्तिकारी जिल्ला उपाध्यक्ष कचाली ताजपुरिया, जिल्ला सदस्य अम्बिका आचार्यलगायत रहेका थिए ।

पार्टीका नगर अध्यक्ष दुर्गा नेम्बाङले कार्यक्रमको औचित्यमाथि प्रकाश पारेको कार्यक्रममा कचाली ताजपुरियाले स्वागत मन्तब्य राखेकी थिइन् । कार्यक्रमको संचालन पार्टीकी नगर कमिटी सह–सचिव देविका खनाल “वर्षा”ले गरेकी थिइन् । सयभन्दा बढीको उपस्थिति रहेको कार्यक्रममा दर खुवाउनुका साथै सामूहिक नृत्य प्रस्तुत गरिएको थियो ।

प्रतिक्रिया

कृपया प्रतिक्रिया लेख्नुहोस्!
कृपया आफ्नो नाम लेख्नुहोस्