झापा, भदौ ११ । दुईवटा अटोले एकापसमा ओभरटेक गर्दा चारपाने– राजगढ सडकखण्डमा दुर्घटना भएको छ । दुर्घटनामा ९ जना घाइते भएका छन् ।
आज दिउँसो १ बजे बिर्तामोड २ बेलडाँगीस्थित चारपाने–राजगढ सडकखण्डमा चैतुबारीबाट चारपानेतर्फ आउँदै गरेको मे १ ह ४८५३ नं. को अटोलाई सोही दिशाबाट आउँदै गरेको मे १ ह ५६४१ नं. को अटोले ओभरटेक गर्ने क्रममा ठक्कर दिई दुर्घटना भएको हो ।
दुर्घटनामा मे १ ह ४८५३ नं. को अटो चालक बाह्रदशी वडा न.३ बस्ने वर्ष ४४ का अशोक चौधरी , सोही अटोमा सवार मोरङ उर्लाबारी वडा न.९ बस्ने वर्ष ५२ की चन्द्रकला मिश्र , बिर्तामोड वडा न.५ बस्ने वर्ष २९ की गरिमा कोईराला तिम्सिना , उनका छोरा बर्ष १२ का बिमर्श तिम्सिना , बाह्रदशी वडा न.२ बस्ने वर्ष ४८ की तुलसा खड्का , उनकी छोरी वर्ष २२ की रुबिना कार्की र मे १ ह ५६४१ नं. को अटो चालक बिर्तामोड वडा न.७ बस्ने वर्ष २४ का मनोज बि.क. घाइते भएका छन् ।
घाइतेहरुलाई उपचारको लागि बिर्तासिटी अस्पताल बिर्तामोड ल्याइएको छ । घटनास्थलमा इलाका प्रहरी कार्यालय घैलाडुब्बाबाट टोली खटिएर दुबै सवारी साधनलाई नियन्त्रणमा लिएको छ ।
