झापा , भदौ ११ । झापाबाट इलामतर्फ लाँदै गरेको सय ग्राम सय मिलिग्राम ब्राउनसुगरसहित मेचीनगरमा दुईजना पक्राउ परेका छन् ।
आज दिउँसो १२ः३० बजे मेचीनगर –८ गिरीगाउँमा इटाभट्टाबाट सलकपुरतर्फ जाँदै गरेको मे ११ प ४२३३ नं.को मोटरसाइकलका चालक मेचीनगर ८ बस्ने ३२ वर्षीय अजय मेचे र पछाडी सवार भारत नक्सलबारी बस्ने ३० वर्षीय टान्टु भन्ने कनकन राहलाई शंका लागेर चेकजाँच गर्दा राहले हातमा बोकेको कालो रंगको प्लाष्टिको झोलामा एउटा पोका फेला परेको थियो । उक्त पोकालाई खोली हेर्दा प्लाष्टिकबाहेक सय ग्राम सय मिलिग्राम ब्राउनसुगर भेटिएको जिल्ला प्रहरी कार्यालयले जनाएको छ ।
मोटरसाइकल र लागूऔषधसहित उनीहरुलाई नियन्त्रणमा लिई इलाका प्रहरी कार्यालय काँकरभिट्टामा राखिएको सूचना अधिकारी डीएसपी खगेन्द्र खड्काले बताए ।
