झापा, भदौ १४ । बिर्तामोड–चन्द्रगढी सडकखण्डमा मोटरसाइकल दुर्घटनामा परी एक व्यक्ति गंभीर घाइते भएका छन् ।
गएराति ८.३० बजे बिर्तामोडबाट हर्चनातर्फ जाँदै गरेको मे ८ प २५१२ नं. को मोटरसाइकल आफै अनियन्त्रित भई दुर्घटना हुँदा मोटरसाइकल चालक बिर्तामोड ७ हर्चना चोक बस्ने ६५ वर्षीय धनबहादुर राई घाइते भएका छन् ।
टाउकोमा चोट लागेर बेहोस भएका गम्भीर घाइते राईको बिर्तासिटी अस्पताल बिर्तामोडमा उपचार भइरहेको छ । घटनास्थलमा अस्थायी प्रहरी चौकी गरामनीबाट प्रहरी टोली खटिएर मोटरसाइकल नियन्त्रणमा लिएको छ ।
