काँकडभिट्टा आउँदै गरेको बस सिन्धुलीमा दुर्घटना, १४ जना घाइते( नामावलीसहित)

झापा,असोज १३ । काठमाडौँबाट काँकडभिट्टातर्फ आउँदै गरेको यात्रुवाहक मदन भण्डारी राजमार्गअन्तर्गत सिन्धुली दुधौली नगरपालिका– ५ घारीथुम्सीमा दुर्घटना भएको छ ।

बा.प्र.०१–००६ ख ९४२२ नम्बरको बस आज बिहान साढे चार बजे आफैं अनियन्त्रित भई दुर्घटना भएको हो।
दुर्घटनामा बसमा सवार १४जना यात्रु घाइते भएका छन्। घाइतेमध्ये १० जनाको अवस्था मध्यम छ भने बाँकी सामान्य प्रहरीले जनाएको छ । घाइतेको उदयपुरस्थित कटारी अस्पताल र सिन्धुलीको दुधौली नगरपालिका ४ स्थित सिर्थौली अस्पतालमा उपचार भइरहेको जिल्ला प्रहरी कार्यालय सिन्धुलीका प्रहरी प्रवक्ता सूर्यप्रकाश सुवेदीले जानकारी दिए । घाइतेलाई प्रहरी र स्थानीयले उद्धार गरेका थिए। बस आफै अनियन्त्रित भई गलत साईडमा गई सडकदेखि अन्दाजी २२ फिट तल धानबारीमा खसेको हो ।

कटारी अस्पतालमा उपचार भइरहेका घाइतेको विवरणः–
१.जिल्ला काभ्रे धुलिखेल न.पा.२ बस्ने बर्ष २३ का माधव न्यौपाने (बाँया हात र खुट्टामा चोट, सामान्य)
२.जिल्ला झापा कमल गाउँपालिका केर्खा बस्ने बर्ष ३६ का संदिप योङखानी (बाँया हात र खुट्टामा चोट सामान्य)
३. झापा दमक न.पा.३ बस्ने बर्ष ३६ की मुना अधिकारी (टाउको,बाँंया हात र खुट्टामा चोट,अवस्था मध्यम)
४.निजकी छोरी बर्ष १९ की सुशिला अधिकारी (दाँंया हात र खुट्टामा चोट, अवस्था सामान्य)
५. झापा दमक न.पा.१ बस्ने बर्ष ४८ का दिनेश के.सी.खत्री (दाँंया पाखुरामा चोट, अवस्था सामान्य)

सिर्थौली अस्पतालमा उपचार भइरहेका घाइतेको विवरणः–
१. मोरङ सुन्दरहरैचा गा.पा.८ बस्ने बर्ष ४३ का लोकबहादुर थापा (टाउको,दाँंया खुट्टामा चोट, अवस्था मध्यम)
२. इलाम सूर्योदय न.पा.१४ बस्ने बर्ष २२ की लिला भट्टराई (मुख र टाउकोमा चोट, अवस्था मध्यम)
३. काठमाण्डौं महालक्ष्मी न.पा.७ बस्ने बर्ष ४५ का खेमबहादुर बस्नेत( बांँया हातमा चोट, अवस्था मध्यम)
४.ऐ.ऐ.बस्ने उनकी श्रीमती बर्ष ४५ की चन्द्रकला पोखरेल( मुखमा चोट, अवस्था मध्यम)
५.उनकी छोरी बर्ष १९ की एन्जिला बस्नेत( मुखमा चोट, सामान्य)
६.उनकी छोरी बर्ष १० की अनिषा बस्नेत( दाँंया खुट्टामा चोट, अवस्था मध्यम)
७. काठमाण्डौं म.न.पा.३ बस्ने बर्ष ४० की पबित्रा राई (मुख र दाँंया खुट्टामा चोट, अवस्था मध्यम)
८. ताप्लेजुङ सिरिङ्वा गा.पा.६ बस्ने बर्ष ५८ का गोपाल कडरिया (टाउकोमा चोट ,सामान्य)
९.झापा बिर्तामोड न.पा.२ बस्ने बर्ष २३ की संगिता हेमरम (दांँत र दाँंया खुट्टामा चोट अवस्था मध्यम )
बसमा सवार १७ जना सकुशल रहेको सिन्धुली प्रहरीले जनाएको छ ।