झापा, असोज १४ । झापाको मेचीनगरमा हतियार प्रहारबाट दुईजना घाइते भएका छन् ।
हिजो साँझ ६ बजे मेचीनगर –९ कमल चौकमा शिवसताक्षी –७ बैदार चौक बस्ने ३० वर्षीय बिरोज लावतीले मादक पदार्थ सेवन गरी मेचीनगर –९ कमल चौक बस्ने २४ वर्षीय अशोक लिङ्देनको ढाड र पाँचथर फिदिम –१३ बस्ने २६ वर्षीय धनेन्द्र नेम्वाङको बाँया हातमा धारिलो हतियार खुकुरी प्रहार गरी घाइते बनाएका हुन् ।
दुबै जनाको आम्दा अस्पताल धुलाबारीमा उपचार भइरहेको छ । इलाका प्रहरी कार्यालय धुलाबारीबाट प्रहरी निरीक्षक पाण्डवकुमार राजवंशीको कमाण्डमा टोली खटिएर खुकुरी प्रहार गर्ने लावतीलाई हतियारसहित नियन्त्रणमा लिएको छ ।
