झापा, असोज १४ । कन्काईमा घर ढलाई गर्दा लडेर एकजना कामदार गंभीर घाइते भएका छन् ।
हिजो बिहान ९ः३० बजे कन्काई –३ टप्पु चौक बस्ने अनिल मण्डलको अढाई तले घरको छत ढलाइको लागि मिक्स्चर मेसिनको च्यानल जोड्ने क्रममा सोही मिक्स्चरमा काम गर्ने कामदार कन्काई २ बस्ने २६ वर्षीय राजु हेमरम माथिबाट लडेका थिए ।
टाउको र ढाडमा चोट लागेर घाइते भएका हेमरमको बीएण्डसी अस्पताल बिर्तामोड उपचार भइरहेको छ । उनको उपचारमा कामदारका साथी र घरधनी संलग्न रहेको प्रहरीले जनाएको छ ।
