झापा, कात्तिक १७ । बिर्तामोडमा दिनदहाडै लाखौको चोरी भएको छ ।
हिजो दिउँसो ४ बजे ताप्लेजुङ पाथीभरा याङवरक– ६ घर भई हाल बिर्तामोड– ४ पुरानो बिजुली अफिस अगाडी निर्मल कट्वालको तीन तले घरको दोस्रो तला फ्ल्याट भाडामा लिई बस्दै आएका देवी कार्कीको कोठाबाट लाखौंको धनमाल चोरी भएको हो ।
चोरले ढोका खोलेर कोठाभित्र राखेको नगद २ लाख ६१ हजार, ५ तोला ६ आना सुन (अन्दाजी मूल्य १२ लाख ८९ हजार ८७४) र रेड्मी नोट १४ मोबायल थान १ (अन्दाजी मूल्य २८ हजार ) समेत गरी जम्मा १५ लाख ७८ हजार ८७४ रुपैयाँ बराबरको नगद तथा जिन्सी सामान चोरी गरी लगेको पीडितको भनाई छ ।
प्रहरी चौकी बिर्ताबजारबाट प्रहरी सहायक निरीक्षक सुसान्त पौडेलको कमाण्डमा प्रहरी टोली खटिएर खोजतलास तथा अनुसन्धान भइरहेको जनाइएको छ ।
