झापा, कात्तिक १७ । पाँचथरमा बुवाको हत्याको आरोपमा छोरा पक्राउ परेका छन् ।

पाँचथर हिलिहाङ गाउँपालिका १ फेदापा बस्ने ६९ वर्षीय युवराज राईको हत्याको आरोपमा उनका कान्छो छोरा ३१ वर्षीय सन्देश राईलाई प्रहरीले नियन्त्रणमा लिएको हो । हिजो बिहान १०ः३० बजे वृद्ध युवराज राई घरदेखि अन्दाजी ५ मिटर उत्तरमा रहेको आफ्नै करेसाबारीमा मृत फेला परेका थिए । उनको शरीरको बिभिन्न भागमा चोट देखिएकोले आवश्यक अनुसन्धानको लागि कान्छो छोरा सन्देशलाई नियन्त्रणमा लिएको प्रहरीले जनाएको छ ।

मृतकको शव जाँच मुचुल्का तथा कानुनी प्रकृया पुरा गरी पोस्टमार्टमको लागि जिल्ला अस्पताल पाँचथरको शवगृहमा राखिएको छ भने सन्देशलाई जिल्ला प्रहरी कार्यालय पाँचथरमा राखिएको छ ।

प्रतिक्रिया

कृपया प्रतिक्रिया लेख्नुहोस्!
कृपया आफ्नो नाम लेख्नुहोस्