झापा, कात्तिक १८ । एसी सर्ट भएर बिर्तामोडमा आगलागी भएको छ ।
हिजो विहान ९ः०५ बजे बिर्तामोड– ५ इन्द्रेणी टोल बस्ने रमेश राजवंशीको घरको दोस्रो तलाको कोठामा एसी सर्ट भएर आगलागी भएको हो । आगलागीबाट कोठामा भएको दराज, पलङ, सोफा र लत्ताकपडा जल्दा अन्दाजी २ लाख ५० हजार बराबरको क्षति भएको छ ।
इलाका प्रहरी कार्यालय अनारमनीबाट गएको प्रहरी टोली, स्थानीय र बिर्तामोड नगरपालिकाको दमकलको सहयोगमा आगो निभाइएको थियो ।
