झापा, मंसिर ५ । जेनजी आन्दोलनका क्रममा इलाका प्रहरी कार्यालय दमकमा आक्रमण गर्ने थप एकजना पक्राउ परेका छन् ।
दमक –९ बस्ने १९वर्षीय सुन्दर गिरीलाई प्रहरीले नियन्त्रणमा लिएको हो । जेनजी आन्दोलनका क्रममा इप्रका दमकको कार्यालय तोडफोड, आगजनी, प्रहरी कर्मचारीमाथि दुर्व्यवहारमा संलग्न भएको फोटो भिडियोको आधारमा इप्रका दमकबाट गएको टोलीले उनलाई गएराति १.१० बजे पक्राउ गरेको हो । उनलाई आवश्यक अनुसन्धानको लागि इप्रका दमकमा राखिएको छ ।
योसंगै जेनजी आन्दोलनका क्रममा झापाका प्रहरी कार्यालयमा आक्रमण गरेको आरोपमा पक्राउ पर्नेहरुको संख्या ३० पुगेको छ । यसअघि बिर्तामोडमा १६ र दमकमा १३ जना पक्राउ परेका थिए ।
