झापा, मंसिर १३ । नेकपा एमालेको ११ औं महाधिवेशनको लागि दुईवटा प्यानलले उम्मेद्वारी घोषणा गरेपछि झापामा महाधिवेशन प्रतिनिधि छनोटमा सहमति हुन नसकी आज निर्वाचन हुँदै छ ।
जम्मा ३६ जना महाधिवेशन प्रतिनिधिका लागि झन्डै तीन गुणा अर्थात ९५ जना उम्मेद्वार चुनावी मैदानमा उत्रिएका छन् । बिहीवार दलित क्लस्टरबाहेक खुल्ला, महिला र युवातर्फ १४१ जनाले उम्मेद्वारी दिएकोमा हिजो ४६ जनाले नाम फिर्ता लिएका थिए । पाँचवटै निर्वाचन क्षेत्रमा निर्वाचन हुन लागेको जिल्ला निर्वाचन विभागका प्रमुख दिपेन्द्र लम्सालले जानकारी दिए ।
क्षेत्र नं १ मा ६ जना महाधिवेशन प्रतिनिधिका लागि ११ जना, २ मा ९ जना महाधिवेशन प्रतिनिधिका लागि २७ जना , ३ मा ६ जना महाधिवेशन प्रतिनिधिका लागि १९ जना , ४ मा ७ जना महाधिवेशन प्रतिनिधिका लागि १६ जना र ५ मा ८ जना महाधिवेशन प्रतिनिधिका लागि २२ जना चुनावी मैदानमा उत्रिएका हुन् । उम्मेद्वारहरु अध्यक्ष केपी शर्मा ओली र वरिष्ठ उपाध्यक्ष इश्वर पोखरेल प्यानलको भनेर स्पष्ट रुपमा चिनिएका छन् ।
दलित क्लस्टरमा दुईजना महाधिवेशन प्रतिनिधिका लागि ७ जनाले उम्मेद्वारी दिएकोमा उनीहरुबीच चुनावी प्रतिष्पर्धा नहुने भएको छ । उम्मेद्वारहरुले सर्वसम्मत ढंगले महाधिवेशन प्रतिनिधि छान्ने जिम्मेवारी सहजीकरण समितिलाई दिएको बुझिएको छ ।
क्षेत्र नं १ का उम्मेद्वारहरु
क्षेत्र नं २ का उम्मेद्वारहरु
क्षेत्र नं ३ का उम्मेद्वारहरु
क्षेत्र नं ४ का उम्मेद्वारहरु
क्षेत्र नं ५ का उम्मेद्वारहरु
