मेचीनगर, मंसिर १३ । नेकपा एमालेको आगामी मंसिर २७ देखि २९ गतेसम्म काठमाडौंमा हुन लागेको ११ औँ महाधिवेशनका लागि झापा क्षेत्र नम्बर १ बाट सवै महाधिवेशन प्रतिनिधि अध्यक्ष केपी शर्मा ओली पक्षधर विजयी भएका छन् ।
शनिबार सम्पन्न निर्वाचनको अन्तिम मतपरिणाम अनुसार खुलातर्फ सवैभन्दा बढी खेमराज पोखरेल (राजु) ले ९६५ मत प्राप्त गर्दै विजयी भए । त्यसैगरी लक्ष्मीकुमार राई ८२८ र असारु राजवंशी ८९२ मत ल्याएर महाधिवेशन प्रतिनिधिमा निर्वाचित भएका छन् । महिलातर्फ रमा भण्डारी ढकालले ११०५ मत र जानुकादेवी ओलीले ९३६ मतका साथ विजयी भए । युवातर्फ दीपक बराल ८३३ मत ल्याएर निर्वाचित भएका छन् ।
जगन भट्टराईले ३०९, गोविन्द गिरीले ४०० र हर्कबहादुर वस्नेतले ३५४ मत प्राप्त गरेका थिए । पराजित तीनैजना इश्वर पोख्रेल पक्षका उम्मेद्वार रहेको पार्टी स्रोतले जनाएको छ । युवातर्फ प्रितम काफ्लेले ५०९ र दुर्गा (रेनुका) डाँगी ५२३ मत प्राप्त गरेका थिए ।
निर्वाचनमा दुवैपक्ष खेमा बनाएर चुनावी मैदानमा उत्रिएका थिए । महाधिवेशनका लागि झापा क्षेत्र–१ बाट ६ जना प्रतिनिधि निर्वाचित भएका हुन् । ६ जना प्रतिनिधिका लागि ११ जना उम्मेदवार मैदानमा उत्रिएका थिए ।
नेकपा एमाले झापा क्षेत्र नं.१ को चुनाव विहान १०देखि दिउँसो २ वजेसम्म चार वटा ठाउँमा भएको थियो । जम्मा २६३५ मतदातामध्ये १४५५ जनाले मतदान गरेका थिए ।
