झापा, फागुन ६ । मेचीनगर नगरपालिका भृकुटी चोकमा एक नवजात शिशु मृत फेला परेका छन् ।
आज बिहान ९ बजे भृकुटी चोकस्थित दिपक बरालको खाली जग्गामा अन्दाजी ३ महिनाको जस्तो देखिने सालनालसहितको लिङ्ग नछुटिएको नवजात शिशु बेवारिसे अवस्थामा मृत फेला परेका हुन् ।
थप अनुसन्धान तथा कानुनी प्रकृयाको लागि इलाका प्रहरी कार्यालय काँकरभिट्टाबाट टोली खटिएर कानुनी प्रक्रिया तथा मुचुल्का कार्यपश्चात् शव पोष्टमार्टमको लागि प्रादेशिक अस्पताल भद्रपुर पठाएको छ । घटनाबारे थप अनुसधान भैरहेको प्रहरीले जनाएको छ ।
