दमक, असार ११ । शिक्षा, विज्ञान तथा प्रविधि मन्त्री गिरिराजमणि पोखरेलले दशैंसम्ममा बिद्यालय सञ्चालन गर्न सरकारले तयारी गरिरहेको बताएका छन्।
![](https://pratidindaily.com/wp-content/uploads/2020/06/Minister-Giriraj-Pokhrel.jpg)
नेपाल राष्ट्रिय शिक्षक संगठन झापाले आयोजना गरेको अनलाइन शिक्षक तालिमको समापनलाई सम्बोधन गर्दै मन्त्री पोखरेलले सो कुरा बताएका हुन्।
कोभिड–१९ को महामारीका कारण देशभरका शिक्षण संस्थाहरू बन्द रहेको र विद्यालयहरूमा क्वारेन्टाइन सञ्चालन गरिएका कारण कोरोना संक्रमणको जोखिमका बीच विद्यालयहरु सञ्चालन गर्न असहज भएको उनले बताए । मन्त्री पोखरेलले अहिले वैकल्पिक पद्धति अपनाउदै शैक्षिक विकासमा योजना बनाउन शिक्षकहरुलाई आग्रह गरे । राष्ट्रिय शिक्षक संगठनले ४५ दिनसम्म शिक्षकलाई विभिन्न विषयमा तालिम दिएको तालिम संयोजक द्रोण श्रेष्ठले बताए ।