इलाम,मंसिर ३० । इलामको माङसेबुङ– ६ स्थित चिसोपानी माध्यमिक विद्यालयमा पहिलोपटक बान्तावा भाषाको पठनपाठन हुने भएको छ ।
![](https://pratidindaily.com/wp-content/uploads/2020/12/bantawa.jpg)
यसका लागि विद्यालयले शिक्षकसमेत छनोट गरेको छ ।
माङसेबुङ गाउँपालिकाको आर्थिक सहयोगमा भाषा शिक्षक नियुक्त गरिएको जनाइएको छ । बान्तवा भाषा अध्यापनले भाषा संरक्षणमा सहयोग पुग्ने गाउँपालिकाका अध्यक्ष डिकेन्द्र इदिङ्गोले बताए । नेपाल आदिबासी जनजाति पत्रकार महासंघ इलामका अध्यक्ष राम योङ्हाङले भाषा संरक्षण र सम्बद्र्धनमा सरकारले ध्यान दिनुपर्नेमा जोड दिए ।