बिर्तामोड पुस, १९ । बिर्तामोडको भद्रपुर रोडमा मिठो रेष्टुरेन्ट एण्ड थकाली किचन सञ्चालनमा आएको छ । व्यापारिक हबको रुपमा विकास हुँदै गइरहेको शहर बिर्तामोडमा विभिन्न प्रयोजनले आउने मानिसहरुको आगमन बढेसँगै थकाली किचन सञ्चालनमा आउने क्रम पनि बढ्दो छ । अर्गानिक र स्थानीय खानालाई प्रोत्साहन दिने उद्देश्यले थकाली किचन सञ्चालनमा ल्याएको सञ्चालक नेत्र न्यौपानेले बताए ।
![](https://pratidindaily.com/wp-content/uploads/2021/01/thakali-khana-pic.jpeg)
बिर्तामोडका न्यौपाने र काठमाडौँका सन्दिप निरौलाले उक्त किचन सञ्चालनमा ल्याएका हुन् । ५ वर्षअघि बिर्तामोडमा सञ्चालनमा आएको ३६५ क्याफे मिठो रेष्टुरेन्ट एण्ड थकाली किचनमा परिणत भएको हो । “पछिल्लो समय थकाली किचन खुल्ने क्रम बढ्दो छ, मानिसहरु पनि खानाका लागि थकाली किचन नै खोज्छन्” न्यौपानेले भने, “हामी थकाली किचनमा अर्गानिक खाना खुवाउने छौँ ।” किचनमा उचित मूल्यमा गुणस्तरीय सेवा दिने न्यौपाने बताउँछन् ।
![](https://pratidindaily.com/wp-content/uploads/2021/01/1-thakali-1024x768.jpg)
६० लाखभन्दा बढी लगानीमा ल्याएको थकाली किचन सबैको रोजाइमा पर्नेमा न्यौपाने विश्वस्त छन् । थकाली खाना पहिचान गर्न धेरै गाह्रो रहेको बताउने उनी भन्छन् “लोकल कुखुराको मासु, खसीको मासु, साँधेको गुन्द्रुक, कालो दाल, आलुको तरकारी, साग, तामाको अचार, पहाडको घ्यू, कोदो फापरको ढिँडो, मकैको खाना, टिम्मुरको अचार, डल्ले खुर्सानी हाम्रो थकाली किचनको परिकार हुन् ।” यामअनुसारको सलाद र मोही, दही पनि खान पाइने न्यौपानेले बताए । अर्गानिक खाद्य र तरकारीलाई आफ्नो मौलिकतामा ढाल्नु पनि थकालीको विशेषता रहेको न्यौपाने बताउँछन् ।
![](https://pratidindaily.com/wp-content/uploads/2021/01/2-thakali-1024x768.jpg)
विगत लामो समयदेखि होटल व्यवसायमा सक्रिय न्यौपाने २०६३ सालदेखि २०६७ सालसम्म विदेशमा रहेर होटलमा नै काम गरेका थिए । होटल व्यवसायसम्बन्धी लामो अनुभव आफूसँग रहेको न्यौपानेले बताए । बिर्तामोडमा २०६७ सालपछि पुजन होटल सञ्चालनमा ल्याएका उनी पारिवारिक वातावरणमा थकाली किचन सञ्चालनमा ल्याएको बताउँछन् । थकाली किचनमा हरेक रात एकल गजल प्रस्तुत भइरहेको उनले जानकारी दिए ।
एक पटकमा १ सय २० सिट क्षमता रहेको थकाली किचनमा एसी रेष्टुरेन्ट, भिआइपी एसी क्याविन, स्पेशल तथा नर्मल क्याविन, स्पेशल बर्थडे हल, म्युजिक जोनसेवासमेत रहेको छ । रेष्टुरेन्टमा व्रियानी र फ्राइराइस, सेकुवा (मटन, चिकन, पोर्क), पिजा, वर्गर (भेज, ननभेज), खाजा सेट (नेवारी) (भेज ननभेज), खाजा नास्ताका परिकार, भेज ननभेज स्न्याक्सका परिकार, कोल्ड ड्रिङस तथा स्वदेशी तथा विदेशी वियर उपलब्ध रहेको छ । रेष्टुरेन्टमा सफा र स्वच्छ खानपान उपलब्ध रहेको छ ।
![](https://pratidindaily.com/wp-content/uploads/2021/01/3-thakali-1024x768.jpg)
थकाली खाना स्वादिष्ट बनाउन गुणस्तरीय कच्चा पदार्थ पनि आवश्यक पर्ने उनले बताए । खाना बनाउन पनि कुनै कमजोरी नगर्ने न्यौपानेले बताए । “म आफैँ पनि किचनसम्म गएर काम गर्न सक्छु, खाना पकाउने विषयमा कुनै कमजोरी गर्नु हुँदैन भन्ने मलाई लाग्छ ।” पछिल्लो समय थकाली खानाको स्वाद खस्किँदो छ । कारण–भान्छामा पाक्ने सामग्री नै गुणस्तरीय हुन छाडेका छन् । आफूहरु ग्राहकको विश्वास जित्ने उनी बताउँछन् । थकाली किचनमा स्थानीय ९ जना कर्मचारीले रोजगारी पाएका छन् । विदेशी ग्राहकलाई पनि नेपाली खाना नै खुवाउने आफ्नो योजना रहेको न्यौपानेले बताए ।
![](https://pratidindaily.com/wp-content/uploads/2021/01/4-thakali-1024x768.jpg)
थकाली खानाको परिचय
थकाली खाना थकाली समुदायमा लोकप्रिय छ । थकाली समुदाय हुँदै नेपालको एक ब्राण्ड भएर विदेशसम्म छाउन थालेको छ । जहाँ–जहाँ नेपाली पुगे, त्यहाँ–त्यहाँ नेपालीहरुले आफ्नो कला संस्कृतिलाई पनि फिजाउँदै गए । र, खाना भनेको आफ्नो कला संस्कृतिको एक अभिन्न अंग हुने हुँदा सँगसँगै स्वतः फिजिदँै गयो ।
![](https://pratidindaily.com/wp-content/uploads/2021/01/5-thakali-1024x768.jpg)
थकाली जाति नेपालमा बसोबास गर्ने एक प्रमुख जाति हो । मुस्ताङको थाकखोला थकालीहरूको गढ मानिन्छ । यद्यपि देशका विभिन्न ठाउँहरूमा थकाली जातिहरू छरिएर रहेका छन् । थकाली जाति तिब्बती बर्मेली परिवारमा पर्दछन् । थकाली भाषा गुरुङ (तमु) र तामाङ भाषाहरूसँग मिल्दोजुल्दो किसिमको हुन्छ । थकाली जातिको आर्थिक संस्थालाई ढिङ्कुर भनिन्छ ।
थकाली खानालाई मेहनतको एक समृद्ध नेपाली ब्राण्ड भनेर पनि चिनिएको छ, जसले थकालीलाई मात्र नभै समग्र नेपाललाई विश्वभर चिनाउन सहयोग पु¥याएको छ । उनीहरुको लोक, मौलिक, रैथाने र परम्परागत खाना थकाली खाना हो ।