गौरादह ,पुष २५ । गौरादह नगरपालिकाको वडा नं ७ र ९ लाई जोड्ने किस्ने खोलामा झोलुङ्गे पुल निर्माण हुने भएको छ ।
![](https://pratidindaily.com/wp-content/uploads/2021/01/pool-1-473x1024.jpg)
प्रदेश सरकारको पूर्वाधार विकास कार्यालयको बजेटले सो पुल बन्ने भएको हो । ढोडिया गाउँमा बन्ने २० मिटर लामो त्यस पुलमा सामाजिक तथा प्राविधिक सहयोग सहारा नेपालको रहनेछ ।पुलको प्रदेश नं १ का आन्तरिक मामिला तथा कानुन मन्त्री हिक्मत कार्कीले हिजो शिलान्यास गरे । कार्यक्रममा प्रदेश सांसद झलकसिंह दर्लामीको पनि उपस्थिति रहेको थियो । पुल नहुँदा आवतजावतमा समस्या रहेको छ ।
![](https://pratidindaily.com/wp-content/uploads/2021/01/136757715_3675621389147549_1150431595449224909_o-1024x476.jpg)