दमक , चैत ७ । झापाको दमकमा आज साँझ टिपरको ठक्करबाट एकजनाको मृत्यु भएको छ भने चारजना घाइते भएका छन् ।
साँझ ५.३० बजे दमक नगरपालिका.४ चिया बगानस्थित पूर्व–पश्चिम राजमार्गमा पश्चिमबाट पूर्वतर्फ आउँदै गरेको प्रदेश १–०२–००१ क १०८२ न.को टिपरले विपरीत दिशाबाट जाँदै गरेको प्रदेश १–०२–०४४प ८१३३ न.को माटरसाइकल र विपरीत दिशातर्फ जाँदै गरेको को२८प ११३६ न.को अर्को मोटरसाइकललाई ठक्कर दिएको हो । ठक्करबाट प्रदेश १–०२–०४४ प ८१३३ न.को मोटरसाइकलको पछाडि सवार मोरङ रतुवामाई .८ बस्ने २४ वर्षिय अनिष कोईरालाको गम्भीर घाईते भई उपचारको लागि ल्याउँदा ल्याउँदै बाटैमा मृत्यु भएको हो । उनको शव लाईफलाईन अस्पताल दमकमा राखिएको छ । त्यसैगरी प्रदेश १–०२–०४४प ८१३३ न.को मोटरसाइकल चालक रतुवामाई ८ बस्ने २३ वर्षिय निरन बस्नेत र सोही मोटरसाइकलको पछाडि सवार १८ वर्षिय हर्षित बाँस्तोला गंभीर घाइते भएका छन् । उनीहरुको लाईफलाईन अस्पताल दमकमा उपचार हुन नसकी बिर्तामोडको बिएण्डसी हस्पिटल पठाइएको छ । त्यसैगरी को २८प ११३३ न.को मोटरसाइकलका चालक मोरङ उर्लाबारी ८ बस्ने ४० वर्षिय तुलाराम ढुङगाना र पछाडी सवार ८५ वर्षिय शिवलाल ढुङगाना पनि घाइते भएका छन् । उनीहरुको निम्स अस्पताल दमकमा उपचार भईरहेको छ ।
दुर्घटनापछि टिपर चालक दमक ४ बस्ने ४९ वर्षिय प्रकाश तामाङलाई इलाका प्रहरी कार्यालय दमकले नियन्त्रणमा लिएको छ ।
