सुनसरी, भदौ १ । सुनसरीको कोशी गाउँपालिका २ स्थित भित्री पक्की सडकखण्डमा सिटी सफारी अनियन्त्रित भई पल्टदा एकजनाको मृत्यु भएको छ भने अर्का घाईते भएका छन् ।
![](https://pratidindaily.com/wp-content/uploads/2021/08/accident-696x337-1.jpg)
उत्तरबाट दक्षिणतर्फ आउँदै गरेको को २ ह ११६३ नम्बरको सिटी सफारी अनियन्त्रित भई पल्टदा त्यसमा सवार एकजनाको मृत्यु भएको हो । हिजो बेलुका ५ बजे भएको दुर्घटनाबाट सोही स्थानका ७४ बर्षीय फरेबी यादव र बराहक्षेत्र ११ की २३ बर्षीया सबिना माझी घाईते भएका थिए । घाईतेमध्ये यादबको नोवेल अस्पताल विराटनगरमा उपचारको क्रममा राति पौने १२ बजे मृत्यु भएको हो । माझीको घोपा धरानमा उपचार भईरहेको छ ।
सिटी र चालक कोशी गाउँपालिका २ का २० बर्षीय रंजित यादवलाई जिल्ला प्रहरी कार्यालय सुनसरीले नियन्त्रणमा लिएको छ ।