झापा , असोज २३ । सशस्त्र प्रहरीले १० किलोभन्दा बढी गाँजासहित दुईजनालाई नियन्त्रणमा लिएको छ ।
हिजो बिहान ११.३० बजे मेचीनगर नगरपालिका वडा नं –८ स्थित पूर्वपश्चिम लोकमार्गमा सशस्त्र प्रहरीको टोलीले मे १ ह ३४७१ को अटोरिक्सालाई चेकजाँच गर्नेक्रममा अटोमा सवार यात्रु मकवानपुर गाविस कालिकाटार –४ बस्ने फुलमाया सिङ्गतान र अर्जुन मोक्तानको साथबाट १० किलो ४१० ग्राम तयारी गाँजा बरामद गरेको हो । अटोरिक्सासहित उनीहरुलाई नियन्त्रणमा लिई आवश्यक कारवाहीको लागि ईलाका प्रहरी कार्यालय काँकरभिट्टामा बुझाइएको सशस्त्र प्रहरी नायव उपरीक्षक प्रेमबहादुर भण्डारीले जानकारी दिए ।
