झापा , असोज २६ । गएराति भद्रपुर ४ मा भएको मोटरसाइकल दुर्घटनामा एकजनाको मृत्यु भएको छ ।
राति ८.५ बजे भद्रपुर ४ डाँगीबारीमा उत्तरबाट दक्षिणतर्फ जाँदै गरेको को ४ प ३३८२ नं.को मोटरसाइकल आफै अनियन्त्रित भई दुर्घटना भएको थियो । दुर्घटनामा मोटरसाइकल चालक सोही ठाउँ बस्ने ३० वर्षिय बिनोद राजवंशी र पछाडी सवार ३६ वर्षिय जन्तलाल राजवंशी घाईते भई उपचारको लागि ओमसाई पाथिभरा अस्पताल भद्रपुर लगिएको थियो । उपचारको क्रममा पछाडी सवार जन्तलाल राजवंशीको राति ८.४२ बजे मृत्यु भएको प्रहरीले जनाएको छ । चालकको उपचार भइरहेको र अबस्था मध्यम रहेको जिल्ला प्रहरी कार्यालयले जनाएको छ ।
