झापा,कात्तिक १६ । झापा शिबसताक्षीका एकजना पत्रिका वितरकलाई साइकल प्रदान गरिएको छ ।
शिवसताक्षी झिलझिलेका कान्तिपुर दैनिक पत्रिकाका वितरक नारायण शिवाकोटीलाई कान्तिपुर पब्लिकेसन्स प्रा.लि. प्रदेश कार्यालयका तर्फबाट साइकल प्रदान गरिएको हो। कमजोर आर्थिक अवस्था भएका वितरक शिवाकोटीलाई कान्तिपुर वितरण विभागका कर्मचारी गंगाराम भण्डारीले साइकल हस्तान्तरण गरेका थिए।
लामो समयदेखि झिलझिले क्षेत्रमा कान्तिपुर दैनिक पत्रिकाको बिक्री वितरण गर्दै आएका शिवाकोटीलाई पत्रिका वितरणमा सहजता होस् भनेर उपहारस्वरुप साइकल प्रदान गरिएको कान्तिपुर पब्लिकेसन्स प्रा.लि. प्रदेश कार्यालय विराटनगरका प्रमुख अनुजलाल कर्णले जानकारी दिए।
