भद्रपुर, कात्तिक १६ । नेपाली काँग्रेसका युवा नेता रमेशप्रसाद पोखरेलले आसन्न महाधिवेशनका लागि पार्टीको जिल्ला सदस्यमा उम्मेद्वारी घोषणा गरेका छन् ।
झापा क्षेत्र नम्वर १ अन्तर्गत भद्रपुर ९ चन्द्रगढी निवासी पोखरेलले १४ औं महाधिवेशनअन्तर्गत मंसिर १० गते हुने जिल्ला अधिवेशनमा भद्रपुर नगरपालिकाबाट जिल्ला सदस्य पदका लागि आफ्नो उम्मेद्वारी घोषणा गरेका हुन् ।
तत्कालिन झापा क्षेत्र नंं २ को सचिव निर्वाचित भएका पोखरेल क्षेत्र समायोजनपछि वर्तमानमा नेपाली काँग्रेस झापा क्षेत्र नं. १ का सचिवको भूमिकामा रहेका छन् । पोखरेल २०४९ सालमा नेपाल विद्यार्थी संघ मेची क्याम्पस इकाइको सहसचिवको जिम्मेवारी लिएर काँग्रेस राजनीतिमा होमिएका थिए । नेविसंघको क्षेत्रीय सदस्य हुँदै २०५२ सालमा झापा क्षेत्र नं. ३ को नेविसंघ उपसभापतिको जिम्मेवारी कुशलतापूर्वक निर्वाह गरेका थिए ।
भद्रपुर जेसीजलगायत विभिन्न सामाजिक संघसंस्थाको कुशलतापूर्वक नेतृत्व सम्हालेका पोखरेल युवा जागरण अभियानमा लोकप्रिय मानिन्छन् ।
