झापा , मंसीर ९ । झापाको भद्रपुरबाट ब्राउनसुगरसहित ७ जना पक्राउ परेका छन् ।
बिहीवार साँझ ४ बजे भद्रपुर ७ बोक्तोवारीमा वडा प्रहरी कार्यालय भद्रपुरबाट खटिएको प्रहरी टोलीले शंका लागेर चेकजाँच गर्ने क्रममा उनीहरुलाई पक्राउ गरेको हो । उनीहरुको साथबाट ४ ग्राम ६१० मिलिग्राम ब्राउनसुगर, एउटा नाईट्रोजन ट्याब्लेट, तौल गर्ने डिजिटल तराजु थान , मे ८ प ९७०१ र को ३८ प ९०२८ नं. को मोटरसाइकल बरामद भएको छ । पक्राउ पर्नेहरुमा
भद्रपुर ७ तेलीभिटाका १९ वर्षिय नारायण राजबंशी, बोक्तोबारीका २२ वर्षिय प्रकाश राजबंशी, वडा नं ६ संगमटोल बस्ने २० वर्षिय राहुल ठाकुर, वडा नं .५ बस्ने २१ वर्षिय सोनु राजबंशी,बिर्तामोड ८ सैनिकटोल बस्ने १८ वर्षिय सुदिप श्रेष्ठ, वडा नं.६ कसेनिटोल बस्ने ३१ वर्षिय प्रताप योन्जन र अर्जुनधारा १ बस्ने २८ वर्षिय राज श्रेष्ठ रहेका छन् ।
