झापा , पुष १ । झापाको सुरुङ्गामा ट्रकको ठक्करबाट एक पैदलयात्रीको मृत्यु भएको छ ।
गएराति ११.५० बजे कनकाई ३ स्थित पूर्व पश्चिम राजमार्गमा पूर्वबाट पश्चिमतर्फ जाँदै गरेको ना. ६ ख. ५७१३ नम्बरको ट्रकले बाटो क्रस गर्दै गरेकी कन्काई ८ बस्ने ३८ वर्षिया राधिका सेडाईलाई ठक्कर दिएको हो ।
दुर्घटनाका घाईतेलाई उपचारको लागि बिर्तासिटी अस्पताल पठाईएकोमा थप उपचारको लागि बिएण्डसी अस्पताल रेफर गर्दा डाक्टरले मृत्यु भएको जानकारी गराएका थिए । मृतकको शव सोही अस्पतालमा नै रहेको, ट्रक र ट्रक चालक सर्लाही बागमती न.पा.४ बस्ने २९ वर्षिय उतम वाईबा प्रहरीको नियन्त्रणमा रहेको जिल्ला प्रहरी कार्यालयका प्रवक्ता डिएसपी बसन्त पाठकले जनाएका छन् ।