झापा , भदौ २३ । नेपाली राष्ट्रिय क्रिकेट टोलीका कप्तान सन्दीप लामिछाने बलात्कार आरोपको मुद्दामा कानूनी सहयोगका लागि क्यानसँग आग्रह गरेका छन् ।
![](https://pratidindaily.com/wp-content/uploads/2022/09/sandip.jpg)
क्यानका कार्यबाहक प्रशिक्षक प्रशान्तविक्रम मल्लकाअनुसार सन्दीपले आफू यो आरोपको सामनाका लागि कानूनी लडाईं लड्न तयार भएको र त्यसका लागि क्यानले कानूनी पाटोमा सहयोग गरिदिन भनेको बताए । ‘सन्दीपले यो केसको सामना गर्न तयार भएको र कानूनी पाटोमा क्यानले सहयोग गरिदिन आग्रह गरेका छन्,’ मल्लले बताए । सन्दीप लामिछाने अहिले क्यारेबियन लिगका लागि वेस्ट इन्डिजमा छन् । उनीविरुद्ध बलात्कार आरोपमा मुद्दा दर्ता भएको छ । उनीविरुद्ध १७ वर्षकी किशोरीले बलात्कारको मुद्दा दर्ता गरेकी छन् ।