झापा , पुष १ । विराटनगरमा हिँडिरहेका बेला एक्कासि सडकमा ढलेका एकजना पुरुषको मृत्यु भएको छ ।
![](https://pratidindaily.com/wp-content/uploads/2021/10/Dead_Body_-1024x576.jpeg)
हिँड्दाहिँड्दै ढलेर विराटनगर महानगरपालिका-९ चुलाचुली मार्गमा अन्दाजी ५५ वर्षीय बलराम भगतको मृत्यु भएको मोरङ प्रहरीका प्रवक्ता डीएसपी दीपक श्रेष्ठले जानकारी दिए । उनका अनुसार हिँडिरहेका बेला बिहान ९ः३० बजेतिर भगत एक्कासि ढलेका थिए । ढलेकै ठाउँमा उनको मृत्यु भएको प्रहरीले जनाएको छ । शव पोस्टमार्टमका लागि कोसी अस्पताल लगेर घटनाको अनुसन्धान सुरु गरिएको डीएसपी श्रेष्ठले बताए ।