झापा, पुष ४ । झापाको चारआली जंगलमा दुई जनाको शव फेला परेको छ ।
सोमबार अपरान्ह पौने ३ बजेतिर मेचीनगर १३ स्थित चारआली जंगलमा महिला र पुरुषको शव भेटिएको हो । दुवैको शव भुँइमा भेटिएको प्रहरीले जनाएको छ । पुरुषको घाटीमा भने डोरी रहेको छ ।
अन्दाजी ३५ वर्षकी महिला र ४५ वर्षको पुरुषको केही दिनअगाडि नै मृत्यु भएको हुनसक्ने जिल्ला प्रहरी कार्यालयका सूचना अधिकारी डिएसपी बसन्त पाठकले बताए । उनीहरुको अनुहार र शरीर कालो भइसकेको छ ।
अहिलेसम्म ती दुवैको पहिचान खुलिनसकेको डिएसपी पाठकले बताए । शव निकालेर पोस्टमार्टम गर्नका लागि प्रहरी टोली पुगिसकेको उनले जानकारी दिए । यसअघि पनि सो जंगलमा त्यस किसिमको शव फेला परेको थियो ।
