झापा पुष ३० । भाक्का दिवसको अवसर पारेर आज झापाको कचनकवल १ घेरावारीको कुट्टीमा बृहत सांगीतिक एवं भाक्का कार्यक्रम हुने भएको छ ।
राजवंशी समाज विकास समिति कचनकवल १ घेरावारीको आयोजना तथा राजवंशी युवा तथा महिला सदस्य कचनकवल १ घेरावारीको सहआयोजनामा सो कार्यक्रम हुन लागेको हो । कार्यक्रममा भाक्का खाने कार्यक्रमका साथै राष्ट्रिय तथा स्थानीय राजवंशी कलाकारहरुको प्रस्तुती रहने छ । आयोजकका अनुसार बलराम राजवंशी , यमलाल राजवंशी ,मनोरथ राजवंशी , लोकप्रसाद राजवंशी , उर्मिला राजवंशी , मन्जु राजवंशी , रिता राजवंशीलगायतका कलाकारहरुको प्रस्तुती रहने छ ।
पूर्वी नेपालमा रहेका राजवंशीलगायतका जातिले जातीय परिकार भाक्काको संरक्षण र प्रवद्र्धनका लागि केही वर्षदेखि पुष २९ लाई भाक्का दिवस मनाउन थालेका छन् ।
