झापा, माघ ३ । भारी मात्रामा प्रतिबन्धित लागूऔषध ब्राउनसुगरसहित झापामा दुईजना पक्राउ परेका छन् ।
![](https://pratidindaily.com/wp-content/uploads/2023/01/319774682_695657355269445_7502128316126377543_n.jpg)
पक्राउ पर्नेहरुमा मेचीनगर नगरपालिका वडा नं. १५ बस्ने २१ वर्षिय सन्देश राई र भद्रपुर नगरपालिका वडा नं. ९ बस्ने २९ वर्षिय देवराज दंगाल रहेका छन् ।
मंगलवार दिउँसो ३ बजे भद्रपुर नगरपालिका वडा नं. ९ मा लागूऔषध नियन्त्रण व्यूरो काँकडभिट्टाबाट खटिएको प्रहरी टोलीले राई र दंगाललाई शंका लागेर चेकजाँच गर्दा उनीहरुको साथबाट प्लाष्टिकसहित ५० ग्राम ब्राउनसुगर फेला परेको थियो । दुवै जनालाई नियन्त्रणमा लिई जिल्ला प्रहरी कार्यालय झापामा राखी थप अनुसन्धान भईरहेको सूचना अधिकारी डीएसपी बसन्त पाठकले बताए ।