झापा,माघ १० । झापाका प्रमुख जिल्ला अधिकारी छविलाल रिजाल सरुवा भएर आज जाने भएका छन् ।
![](https://pratidindaily.com/wp-content/uploads/2023/01/321495357_727526135662898_4811725385681132839_n.jpg)
पर्वत घर भएका रिजाल तनहुँको प्रमुख जिल्ला अधिकारीमा सरुवा भएका हुन् ।
उनको ठाउँमा शिवराम पोखरेल आउने भएका छन् ।गृहमन्त्रालयले शुक्रवार गरेको निर्णय अनुसार झापाको प्रजिअमा पोखरेल आउने भएका हुन् । उनी गृह मन्त्रालयमा सहसचिव थिए ।
विराटनगर निवासी उनले यसअघि पाँचथर र मोरङ जिल्लाको स्थानीय विकास अधिकारी पदमा जिम्मेवारी सम्हालिसकेका छन् । तर, झापामा भने उनी पहिलोपटक जिम्मेवारी सम्हाल्न आउँदै छन् । उनी शुक्रवार झापा आइपुग्ने जिल्ला प्रशासन कार्यालयले जनाएको छ ।