झापा , माघ २० । झापाको मेचीनगर नगरपालिका-६ पूर्वपश्चिम राजमार्गमा सवारी दुर्घटना हुँदा एकजनाको मृत्यु भएको छ ।
बिहीबार बिहान १० बजे पश्चिमबाट पूर्वतर्फ आउँदै गरेको प्रदेश १-०१-००१ ह ७६२९ नम्बरको सिटी आफै अनियन्त्रित भई दुर्घटना हुँदा घाइते भएका सिटी चालक मेचीनगर ७ का ७३ वर्षीय जयनारायण ढुङ्गानाको उपचारको क्रममा आम्दा अस्पताल धुलाबारीमा मृत्यु भएको इलाका प्रहरी कार्यालय काँकडभिट्टाले जनाएको छ । घटना सम्बन्धमा थप अनुसन्धान भइरहेको छ ।
