झापा , बैशाख ६ । खोक्लिंग –झापा समाजले नयाँ वर्ष २०८० को अवसर पारेर शुभकामना आदान प्रदान तथा चियापान कार्यक्रम सम्पन्न गरेको छ ।
समाजका अध्यक्ष दिलेन्द्र कार्कीको अध्यक्षता तथा ९१ वर्षिया वयोबृद्धा भीममाया कार्कीको प्रमुख आतिथ्यमा बिर्तामोड ४ मा भएको कार्यक्रममा इन्द्र केसी , रविचन्द्र ओझा , तेजप्रसाद अधिकारी , गंगा न्यौपानेलगायतले शुभकामना मन्तव्य राखेका थिए ।
कार्यक्रममा डिल्लीराम ओझा , पृथ्वीबहादुर थापा , गंगाबहादुर कार्कीलगायतको आतिथ्य रहेको थियो । खगेन्द्र थापाले स्वागत गरेको कार्यक्रमको संचालन समाजकी कोषाध्यक्ष मुना विष्ट ओझाले गरेकी थिइन् । कार्यक्रममा सयभन्दा बढीको उपस्थिति रहेको थियो ।२०७९ पुष ९ गते खोक्लिंग –झापा समाज गठन भएको थियो ।
