झापा , बैशाख १७ । सिन्धुलीमा आज बिहान कार दुर्घटना हुँदा दुईजनाको मृत्यु भएको छ ।
दुर्घटनामा एक महिला र एक पुरुषको घटनास्थलमा नै मृत्यु भएको हो । मृत्यु हुनेमा झापाको सुरुङ्गा-४ का ४३ वर्षीय कुमार पुरी र काठमाडौं गौरिघाटका ४३ वर्षीया सहारा प्रसाई रहेका छन् । आइतबार बिहान काठमाडौंबाट सिन्धुलीतर्फ जाँदै गरेको बा ८ च ५१३५ नम्बरको कार दुर्घटना परी घाइते भएका प्युठान नगरपालिका-८ का योगेन्द्र थापाको सिन्धुली अस्पताल सिन्धुलीमा उपचार भइरहेको छ । सिन्धुली प्रहरीका प्रवक्ता तथा डिएसपी चिरञ्जीवी दाहालका अनुसार विपि राजमार्ग अन्तरगत कमलामाई नगरपालिका-२ पिपलभन्ञ्याङमा सो कार २० मिटर तल खस्न पुगेको थियो ।
