झापा, जेठ ८ । झापाको बुद्धशान्ति गाउँपालिका वडा नम्बर ३ मा एउटा जंगली हात्ती मृत फेला परेको छ ।
![](https://pratidindaily.com/wp-content/uploads/2023/05/348834964_1204850640225138_4546585390034770344_n-498x1024.jpg)
साबिक बुधबारे ८ शितलचोकका एकजना किसानको खेतमा आज बिहान सो हात्ती मृत फेला परेको हो । करिव २५ वर्षको पोथी हात्तीको विद्युतीय करेन्टका कारण मृत्यु भएको हुनसक्ने आशंका गरिएको छ । हात्तीको मृत्युबारे अनुसन्धान गर्न कोशी टप्पुबाट टोली बोलाइएको डिभिजन वन कार्यालयका अधिकृत जीवन पाठकले बताए ।
योसहित यस वर्षमात्र झापामा विद्युतीय करेन्टका कारण दुईवटा हात्तीको मृत्यु भइसकेको छ । गत वर्ष तीनवटा हात्ती त्यसरी मारिएका थिए ।