झापा, साउन २९ । आज साउन महिनाको अन्तिम सोमवार । विगतका वर्षभन्दा यस वर्ष पूर्वको पशुपतिनाथ भनेर चिनिने अर्जुनधारा जलेश्वर धाममा भक्तालुहरुको बढी भीड लाग्यो ।
![](https://pratidindaily.com/wp-content/uploads/2023/08/a1-1024x576.jpg)
भारतसहित नेपालका विभिन्न ठाउँबाट दर्शन गर्न आउने भक्तालुहरुको संख्या उल्लेखनीय थियो । धाम सञ्चालक समितिले भक्तजनहरुको सहजताका लागि बिभिन्न उपसमिति परिचालन गरी घुइचोलाई ब्यवस्थापन गरेको थियो । आजै राप्रपा झापाका कार्यकर्ताहरुले ‘नविन राप्रपा आयो’ भन्दै हिन्दु राष्ट्रको मागसहित धाममा धार्मिक पदयात्रा गरेका छन् । उनीहरुले धाममा जलार्पण गर्दै ‘जय जय काली गोरखकाली हिन्दु राष्ट्र यसैपाली’ भन्दै नारासमेत लगाएका थिए । धार्मिक सहिष्णुता अपनाउँदै मुस्लिम समुदायका व्यक्तिहरु पनि पदयात्रामा सहभागी थिए ।
![](https://pratidindaily.com/wp-content/uploads/2023/08/a2-1024x576.jpg)
त्यस्तै श्री छठ युवा फ्रन्ट बिर्तामोडले अर्जुनधारा जलेश्वर धाममा निःशुल्क प्रसाद वितरण गरेको छ । साउन महिनाको अन्तिम सोमबार दर्शनार्थी भक्तजनहरुलाई निःशुल्क महाप्रसाद वितरण गरेको श्री छठ युवा फ्रन्ट बिर्तामोडका अध्यक्ष दिपक शाहले जानकारी दिए ।
केही बर्षदेखि साउन महिनाको सोमबार श्री छठ युवा फ्रन्टले सामाजिक कार्य गर्दै आएको पनि अध्यक्ष शाहले बताए । जलार्पण गर्न आएका करिब ३ हजारबढी भक्तजनहरुले फ्रन्टले वितरण गरेको हलुवा , खीर, तरकारीलगायतका प्रसाद ग्रहण गरेको कार्यक्रमका संयोजक अमरजित शाहले जानकारी दिए ।
![](https://pratidindaily.com/wp-content/uploads/2023/08/a3-1024x576.jpg)
![](https://pratidindaily.com/wp-content/uploads/2023/08/a33-1024x576.jpg)
![](https://pratidindaily.com/wp-content/uploads/2023/08/a5-1024x576.jpg)
![](https://pratidindaily.com/wp-content/uploads/2023/08/a6-1024x576.jpg)
![](https://pratidindaily.com/wp-content/uploads/2023/08/a7-1024x576.jpg)
![](https://pratidindaily.com/wp-content/uploads/2023/08/367425552-339911611715758-8758973695509914356-n-1024x576.jpg)