झापा,असोज १९ । अरिंगालले टोकेर झापाको बाह्रदशी ५ मा एक महिलाको मृत्यु भएको छ भने दुईजना घाइते भएका छन् ।
![](https://pratidindaily.com/wp-content/uploads/2023/10/e9c3ae2c-fdba-46b2-afa7-950b3a310644-1-2.jpg)
अरिंगालले टोकेर बाह्रदशी ५ नवकिरण टोलकी करिव ६० वर्षिया रामप्यारी भुर्तेलको मृत्यु भएको हो । हिजो साँझ ५ बजे घरनजिकै घाँस काट्न जाँदा भुर्तेलमाथि अरिंगालको पुरै गोला खनिएको थियो ।
घाइते भुर्तेललाई उपचारका लागि बिर्तासिटी हस्पिटल लगिएकोमा उपचारका क्रममा राति ११ बजेतिर मृत्यु भएको बाह्रदशी ५ का वडा सदस्य जय तिम्सिनाले बताए । वडा सदस्य तिम्सिनाका अनुसार चिलले अरिंगालको गोला हानेको बेला उनी त्यही ठाउँमा घाँस काट्न पुगेकी थिइन् । अरिंगालले टोकेर मृतककी छोरी लक्ष्मी र करिव ७ वर्षिय नाति घाइते भएका छन् ।उनीहरुको घरमै उपचार गरिएको वडा सदस्य तिम्सिनाले जानकारी दिए ।