भारतको मध्य प्रदेशमा सडक दुर्घटना, १५ जनाको मृत्यु

झापा,फागुन १७ । भारतको मध्य प्रदेश राज्यमा बिहीबार भएको दुर्घटनामा परी पाँच महिलासहित कम्तीमा १५ जनाको मृत्यु भएको भारतीय प्रहरीले जनाएको छ । उक्त दुर्घटनामा २० जना घाइते भएका स्थानीय प्रहरीले जानकारी दिएको छ ।
मध्य प्रदेश अन्तर्गत मण्डला जिल्ला बिछिया इलाकामा गाडी अनियन्त्रित भइ पल्टिँदा दुर्घटना भएको हो ।
घाइतेहरूमध्ये केहीलाई स्थानीय अस्पतालहरूमा उपचारका लागि भर्ना गरिएको छ भने केहीको अवस्था गम्भीर रहेकोले मृतकको संख्या अझै बढ्न सक्ने आशङ्का गरिएको प्रहरीले जनाएको छ ।