झापा,असार २५ । अविरल वर्षाका कारण माईखोलामा आएको बाढीका कारण झापा गाउँपालिकाका ५१ घर प्रभावित भएका छन् ।
![](https://pratidindaily.com/wp-content/uploads/2024/07/7362589c-0666-4cb4-a3e0-9b326008675c-1024x768.jpg)
आज बिहान अन्दाजी ११ः३० बजेको समयमा अविरल वर्षाका कारण गौरीगंज र झापा गाउँपालिका वडा न. १ को सिमाना टप्पुस्थित माईखोलाको पानीको बहाव बढेर डुबान गर्दा झापा गाउँपालिका २ सुगाबथान बस्तीका बासिन्दा प्रभावित भएका हुन् । बस्तीमा अन्दाजी अढाई फिट पानी पसेको प्रहरीले जनाएको छ । त्यस्तै वडा नं २ को कुवाडी गाउँमा पनि घुँडासम्म पानी जमेको हाम्रा संवाददाता बरतलाल राजवंशीले जनाएका छन् । उक्त स्थानतर्फ इलाका प्रहरी कार्यालय कुमरखोदबाट प्रहरी नायव निरीक्षक दिपेन्द्र राईको कमाण्डमा ४ जनाको टोली र बीओपी टाघनडुब्बाबाट सशस्त्र प्रहरी निरीक्षकको कमाण्डमा ७ जनाको टोली खटिएको छ ।माईखोलानजिकै रहेका वडा न. १ को मिलनबस्ती , सालमारा , लसुनगंज , सितुमारी , वडा नं २ को टप्पुगाउँ , सुगाबथान , कुवाडी , हवलदार बस्ती ,बालुवाटार र सडकवारी जोखिममा परेका छन् ।
![](https://pratidindaily.com/wp-content/uploads/2024/07/6576aaed-01a5-460d-91ff-516b7589428e-1024x768.jpg)
![](https://pratidindaily.com/wp-content/uploads/2024/07/b287df6c-6bee-43af-b85a-ed3b071ed3d3-1024x768.jpg)
![](https://pratidindaily.com/wp-content/uploads/2024/07/ab810a0e-752a-45e8-92be-3a27c0277a17-1024x768.jpg)
![](https://pratidindaily.com/wp-content/uploads/2024/07/b2cc5bec-f4b7-450c-b5b3-b93394dd60cb-1024x768.jpg)
![](https://pratidindaily.com/wp-content/uploads/2024/07/e5f022ae-adae-473b-b23c-0737ddebdf1b-1024x768.jpg)