झापा , भदौ २४ । भारतबाट लागूऔषध भित्र्याउँदै गर्दा झापा शिवसताक्षीका एक युवा पक्राउ परेका छन् ।
हिजो साँझ ६.३० बजे झापा गाउँपालिका वडा न.४ मा प्र.१ –०१–०१७ प १७९८ नम्बरको मोटरसाइकलमा भारतबाट नेपालतर्फ आउँदै गरेका शिवसताक्षीको धरमपुर बस्ने २१ वर्षीय पाण्डे भन्ने थरेन्द्र गुरुङलाई प्रहरीले चेकजाँच गरेको थियो ।
त्यसक्रममा लुकाई छिपाई ल्याउँदै गरेको प्लाष्टिकसहित ३ ग्राम ६३ मिलिग्राम ब्राउनसुगर फेला परेको थियो । उनलाई मोटरसाइकलसहित नियन्त्रणमा लिई थप अनुसन्धान जारी रहेको जिल्ला प्रहरी कार्यालयले जनाएको छ ।
