झापा,असोज १२ । झापाबाट ग्यास लिएर ताप्लेजुङतर्फ जाँदै गरेको ट्रक मेची राजमार्गमा पहिरोले पुरिएको छ । आज बिहान १०ः३० बजे अविरल बर्षा कारण ताप्लेजुङ फुङलिङ ८ स्थित मेची राजमार्गमा बैशाखे खोल्सामा आएको लेदो सहितको पहिरोले झापाबाट ग्यास लिएर ताप्लेजुङतर्फ जाँदै गरेको प्र. १–०१–००१ ख ३६१७ नम्बरको मिनि ट्रकलाई पुरेको हो । ट्रक चालक भने सकुशल रहेका छन् । सडक डिभिजनका कार्यालयबाट जेसीबी ल्याई प्रहरी र स्थानीयको सहयोगमा ट्रकलाई सुरक्षित स्थानमा निकालिएको छ । अबरुद्घ भएको सडक बिहान ११ः २५ बजे पूर्ण रुपमा सुचारु भएको प्रहरीले जनाएको छ ।
