झापा, असोज १६ । पाँचथरको फिदिममा आगलागीमा परी दुईजना बालबालिका घाइते भएका छन् ।
हिजो बिहान ९ बजे फिदिम– ४ थापाटार बस्ने देवीप्रसाद पौडेलका १३ वर्षीया छोरी सोनिया पौडेल र११ वर्षीय छोरा बादल पौडेल जलेर घाइते भएका हुन् । दुई जना दिदीभाइले घरमा मैनबत्ती बालेर खेलिरहेकोमा बुबा देवीप्रसादले टेम्पोमा पेट्रोल हाल्ने क्रममा एक्कासि आगो लागेपछि दुबै जनालाई आगोले पोलेको थियो ।
उनीहरुलाई पाँचथर जिल्ला अस्पतालमा उपचार गरी थप उपचारको लागि विराटनगरको न्युरो अस्पताल रेफर गरिएको छ । दुबै बालबालिकाको अवस्था मध्यम रहेको प्रहरीले जनाएको छ ।
