झापा, कात्तिक ४ । आज साँझ झापा भद्रपुर– ४ को रमिला चोकमा म्याजिक भेन दुर्घटना हुँदा ७ जना घाइते भएका छन् ।
साँझ ६.१० बजे भद्रपुर–४ रमिला चोकमा भद्रपुरबाट बनियानीतर्फ जाँदै गरेको मे १ज ३६५७ नम्बरको म्याजिक आफै अनियन्त्रित भई दुर्घटना भएको हो । म्याजिक नालामा कोल्टे परेको र अहिले घटनास्थलमा नै रहेको प्रहरीले जनाएको छ ।
घाइते हुनेहरुमा कचनकवल –६ बस्ने बर्ष ३७ की कुन्ती दाहाल(घाँटीमा भित्री चोट अबस्था सामान्य ), भद्रपुर नगरपलिका –२ बस्ने बर्ष ३६ की बेबी मगर (करङ र घाँटीमा भित्री चोट अवस्था सामान्य ) सोही ठाउँ बस्ने बर्ष ३४ की भिमा गुरुङ (चोट नदेखिएको अवस्था सामान्य ), बर्ष १८ की सुनो लिम्बू (ढाँडमा भित्री चोट अवस्था सामान्य ) बर्ष २९ की समीक्षा तामाङ (दाहिने गाला र दाहिने हातमा सामान्य चोट ) वडा नं ३ बस्ने बर्ष ३० की एलिजा गुरुङ (टाउकोमा भित्री चोट अवस्था सामान्य ) वडा नं १ बस्ने बर्ष ४७ का गाडीधनी भिमकुमार लिम्बू (घाँटीमा भित्री चोट अवस्था सामान्य ) रहेका छन् ।
घाइतेहरुको ओमसाई पाथीभरा अस्पताल भद्रपुरमा उपचार भइरहेको छ । म्याजिक चालक भद्रपुर १ हिमाली बस्ने बर्ष ५१का दिलिप सारु मगरको अवस्था सामान्य रहेको जनाइएको छ ।
